به گزارش آناج،آقای علی شهودی از شعرای مطرح آذربایجان که شعرهای برجسته‌ای در قالب طنز به رشته تحریر درآورده، این بار شب چله را درون‌مایه این قالب شعری قرار داده و آن را تقدیم مردم ایران کرده است.
وی این چنین سروده است:
چوخ غصه یئمه آی آغا چیلله گئجه سینده
باغلا غمی چات دایلاغا چیلله گئجه سینده
ایده،دنه ،پشمک ،لبو،پخله،سولو،قارپیز
سسلرلرسنی اوتماغا چیلله گئجه سینده
کس قارپیزی فال فال ائله سن میل ایله میل دور
آش دونبالاغ اول توسباغاچیلله گئجه سینده
هر نه اویونون واردی چیخات بیر گئجه شاد اول
صبحه کیمی دول شیللاغا چیلله گئجه سینده
آنجاق نه ائدیرسن ائله چوخ چیخما اوزوندان
فکر ایلمه قیپ قویماغا چیلله گئجه سینده
بیر الده یئکه بیرکوکه بیر الده ده چنگل
حمله ، ائله بال قیماغا چیلله گئجه سینده
چک بیر سیریخ آجیللره رحم ائتمه یئه گئتسین
نه قاپ قاریا نه آغا چیلله گئجه سینده
پیر پیتزانی گل ایله مرخص دوشه قارداش
بیر یولدا قارین قورساغا چیلله گئجه سینده
رحمت لیگین اوغلو نقدر ات ییجکسن
بیر یولدا دوشه قویماغا چیلله گئجه سینده
سن غصه یئیرسن سنه پر پخله یاپیشماز
بلکه یاپیشار مایماغا چیلله گئجه سینده
اوزقارداشوون چکمه اتینده ن شیشه یعنی
غیبت ائلمه آی قاغا چیلله گئجه سینده
یوز یول دئدیم آز گوزلرووی گوشی یه زیلله
باغلا اونو باخ سول ساغا چیلله گئجه سینده
آلله نه اولار رحم ائده سن خلق جهانه
رحمت یاغیشین بیر یاغا چیلله گئجه سینده
آی تازه جوان باسما گازا یول شیره بوزدی
چوخ گلمگیلن اویناغا چیلله گئجه سینده
آی سققلیووه قربان اولوم آی ده ده سنده
توتما منی چوخ دانلاغا چیلله گئجه سینده
اوضاع زمانه عوض اولموش کی گئدیرلر
ایندی چوخ آداملار باغا چیلله گئجه سینده
تاپشیربو جوان داغچیلارا سیز بیلین آلله
ای توبه چیخارلار داغا چیلله گئجه سینده
طبعیم منیم او سودله دولان امجگه بنزیر
ایستیر اونو شعریم ساغا چیلله گئجه سینده
شاعر سن اوزوندا بو قلم کاغذی بوشلا
قاتما باشووی یازماغا چیلله گئجه سینده
انتهای پیام/